२ बैशाख, जनकपुरधाम । कोरोना भाइरसविरुद्धको संघर्षमा एकता प्रदर्शन गर्न भन्दै जनमत पार्टीका अध्यक्ष डा. सिके राउतले शंख बजाएका छन् । मधेशमा मंगलबार सिरुवा पर्वको अवसर पारेर उनले जनकपुरधामस्थित आफ्नै निवासमा शंख बजाएका हुन् ।
उनकै आह्वानमा मधेशका जिल्लाहरुमा शंख, घण्ट, थाली र ताली बजाइएको छ । उनका कार्यकर्ताहरुले सामूहिक रुपमा बिभिन्न जिल्लामा बिहान ७ बजेर ७ मिनेटमा थाली, ताली, घन्ट, शंख, सिटी बजाएका हुन् ।
कोरोनाबिरुद्ध लड्न अग्र मोर्चामा खटिएका स्वास्थ्यकर्मी, सुरक्षाकर्मी, समाजसेवीसहित सबैलाई धन्यवाद ज्ञापन गर्न एकता प्रदर्शन गरिएको राउतले बताएका छन् ।
यसअघि डा. राउतले २१ चैतमा कार्यकर्ताहरुलाई शंख, घण्ट, ताली, सिटी बैशाख २ गते बजाउन कार्यकर्ताहरुलाई आह्वान गरेका थिए ।
