४ वैशाख, काठमाडौं । कोरोना भाइरस (कोभिड–१९) को संक्रमण फैलन नदिन लकडाउन गरिएको अवधिमा तीन दर्जन व्यक्ति तथा फर्महरु कालोसूचीमा परेका छन् ।
कर्जा सूचना केन्द्रले लकडाउन शुरु भएको ११ चैतदेखि यता १ वैशाखसम्म ३६ जना कालोसूचीमा परेको जानकारी दिएको छ ।
केन्द्रले दिएको जानकारीअनुसार लकडाउन शुरु भएको ४ दिनसम्म (११ गतेदेखि १५ गतेसम्म) कोही पनि कालोसूचीमा परेका थिएनन् । १६ गते एकैदिन ३ जना व्यक्तिलाई कालोसूचीमा राखिएको केन्द्रले जानकारी दिएको छ ।
केन्द्रकाअनुसार २०७७ सालको दोस्रो दिन २ वैशाखमा मात्रै पनि २ व्यवसायिक फर्म र ७ व्यक्ति गरी ९ लाई कालोसूचीमा राखिएको छ ।
समयमा कर्जा नतिर्ने तथा चेक बाउन्समा परेकाहरुलाई समेत केन्द्रले सम्बन्धित बैंक तथा वित्तीय संस्थाको सिफारिसमा कालोसूचीमा राख्ने गरेको छ ।
