१८ वेशाख, काठमाडौं । नेपाल राष्ट्र बैङ्कले पुनर्कर्जा सीमा बढाएर एक खर्बको बनाउने भएको छ । १४ चैतमा बसेको मन्त्रिपरिषद् बैठकले उद्योग व्यवसायमा असहज अवस्था आएको भन्दै पुनर्कर्जा कोष एक खर्बको बनाइने निर्णय गरेको छ ।
हाल ६० अर्ब रहेको कोषलाई १ खर्ब बनाइने भएको हो । मन्त्रिपरिषद्को निर्णय सार्वजनिक हुनु अगावै राष्ट्र बैङ्कले पुनर्कर्जा कोष क्रमशः बढाउने बताइसकेको थियो ।
राष्ट्र बैङ्कका प्रवक्ता डा. गुणाकर भट्टले पनि पुनर्कर्जा बढाइने बताए । तर, एकै पटक नभई क्रमशः बढाउदै लैजाने राष्ट्र बैङ्कको नीति रहेको उनले सुनाए ।
कोरोना भाइरसको महामारीबाट फैलिएपछि उद्योग-व्यवसायमा असहज अवस्था आएपछि सरकारले यस्तो निर्णय गरेको हो ।
