१९ वैशाख, काठमाडौं । महिला फुटबल खेलाडी समीक्षा थापा मगरको आँखाको उपचारका लागि अखिल नेपाल फुटबल संघ(एन्फा) र विराट सांग्रिला क्लबले आर्थिक सहयोग गरेको छ ।
एन्फाले पहिलाे चरणमा समीक्षालाई २५ हजार रुपैयाँ सहयोग गरेको हो । उपचारका लागि थप रकम आवश्यक परे उपलब्ध गराउने एन्फाले जनाएको छ । सांग्रिला क्लबले पनि समीक्षालाई २५ हजार रुपैयाँ सहयोग गरेको छ ।
समीक्षालाई एन्फाकाे तर्फबाट वसन्त अर्यालले र क्लबका तर्फबाट क्लबका सचिव काशीराज पराजुली र कोषाध्यक्ष दिपेन्द्र मगरले सहयोग रकम हस्तान्तरण गरेका थिए ।
उदयपुर घर भएकी समीक्षाको खेतमा काम गर्ने क्रममा ढुङ्गाले लागेर दाहिने आँखामा चोट लागेको थियो । । उनले विराटनगरस्थित आँखा अस्पतालमा आँखाको उपचार गराइरहेकी छन् ।समीक्षा यू-१६ टिमकी सदस्य समेत हुन् ।
