२५ वैशाख, सप्तरी । सप्तरीमा एक जना महिलाको हात्ती आक्रमणबाट मृत्यु भएको छ । शम्भुनाथ नगरपालिका-२ की ३८ वर्षीया जानकी मगरको मृत्यु भएको प्रहरीले जनाएको छ ।
घरमा हात्ती प्रवेश गरेपछि जानकी श्रीमान पेशलसँगै भोगेकी थिइन् । भाग्दै गर्दा उनलाई हात्तीले आक्रमण गरेको श्रीमान पेशलले बताए ।
हात्ती आक्रमणबाट गम्भीर घाइते भएकी उनलाई उपचारका लागि राजविराजस्थित गजेन्द्रनारायण सिंह अस्पताल लैजाने क्रममा बाटोमै मृत्यु भएको हो । मृतकको शव परीक्षणका लागि यसै अस्पतालमा राखिएको छ ।
हात्तीले दुई जनाको घरसमेत भत्काइदिएको छ । लक्ष्मण मण्डल र बलराम ईसरको घर भत्काइदिएको स्थानीयले ताएका छन् ।
डिभिजन वन कार्यालय सप्तरीका प्रमुख सन्तोषकुमार झाले मृतकको परिवारलाई तत्कालै किरिया खर्चवापत ५० हजार उपलब्ध गराउने र क्षतिपूर्तिवापत सरकारी पक्षबाट दिइने १० लाखका लागि कोशी टप्पु वन्यजन्तु आरक्षमा अबिलम्ब प्रक्रिया अगाडि बढाइने बताए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4