२८ वैशाख, चितवन । घरायसी विवादका कारण पूर्वी चितवनमा शनिबार राति एक व्यक्तिले श्रीमतीको हत्या गरेका छन् ।
जिल्ला प्रहरी कार्यालय चितवनका अनुसार खैरहनी नगरपालिका-९ सिमलटाँडीमा ४२ वर्षीय कृष्णप्रसाद अधिकारीले ३४ वर्षीया श्रीमती मञ्जुको खुकुरी प्रहार गरी हत्या गरेका हुन् ।
प्रहरी नायब उपरीक्षक एकनारायण कोइरालाका अनुसार राति ९ः४५ बजेको समयमा घटना भएको हो । हत्या गर्ने कृष्णप्रसादलाई राति नै प्रहरीले नियन्त्रणमा लिएको छ ।
परीक्षणका लागि मृतकको शव भरतपुर अस्पताल ल्याइएको छ । उनका दुई श्रीमती रहेको जनाइएको छ । मञ्जु कान्छी श्रीमती हुन् । घटनाको अनुसन्धान भइरहेको कोइरालाले जानकारी दिए ।
