काठमाडौंमा परिक्षण नगरेर मात्र हो । यहाँ संक्रमणको स्थिति भयावह हुन सक्ने कारणहरु: १. सरकारले अन्तर्राष्ट्रिय हवाई उडान बन्द गर्नु अघि नेपाल भित्रिएका सबै काठमाडौं भित्रीएकै दिन आफ्नो घर पुग्न गाह्राे हुने हुँदा त्यस्ता धेरै मानिसहरु यहीँका होटल, लज वा आफन्तकोमा बसे। होटेल लजमा बस्नेहरुले एकदुई रात काठमाडौंमा बिताई, घुमिफिरी, आफन्तलाई सामान किनि, साथीभाइ मिलि खाई पिई मस्त रमाई, गर्न हुने नहुने सबै काम गरि एकदुई दिन पछि घर फर्के । नेपालको हकमा कोरोनाको लक्षण नदेखिएको हुँदा काठमाडौंमा कोहि संक्रमीत छैन भन्ने बुझ्यौंं । २.यसरी घर फर्किदा प्रयोग भएका सार्वजनिक यातायातहरुको पुर्ण पहिचान अझै हुन सकेको छैन । सरकारले पुर्णरूपमा लकडाउन गर्दासम्म धेरै सार्वजनिक सवारीहरुले धेरै पटक उपत्यका भित्र बाहिर गरिसकेका छन् । सबै यातायातकर्मी उपत्यका बाहिरकै मात्र छैनन् केही उपत्यका भित्र पनि बस्छन् । यसर्थ जोखिम छ । ३. विदेशबाट नेपाल भित्रिएका हवाई उडानहरु मध्ये संचार माध्यममा समाचार बनेका उडानहरुलाई मात्र प्राथमिकतामा राखेर ट्रेसिङ सुरु हुनु । ४. भारतबाट रातारात नेपाल भित्रिएका मानिसहरु तराईका हरेक जिल्लामा छन् अनि यस्ता जिल्लाबाट vip pass र एम्बुलेन्समा नक्कली बिरामी बनेर आउनेहरुको लर्को र उनिहरुको संख्या यकिन नहुनु अर्को जोखिम रहेको छ । ५. निश्चित क्षेत्र तोकिएर खटिएका सरसफाइकर्मीमाRDT मा पोजेटिभ आउनु भनेको कि उनिहरुलाई कि उनिहरुले तत् तत् स्थानमा संक्रमण फैलिएको हुनु प्रवल संभावना देखिन्छ । लक्षण नदेखिएको कारण कोरोना छैन भन्नू र हत्केलाले सुर्य छेकेर अँध्यारो छ भन्नू उस्तै हो । लकडाउनको बेला पुर्ण रुपमा पालन नगर्ने जनता पनि उत्तिकै दोषी छन् । आफ्नै घरमा को संक्रमित छ भन्न नसक्ने यो स्थितिमा अझै पनि घरमै पनि उचित दुरि कायम गर्न र तुरुन्त परिक्षणको बृहत् दायरा बढाउन नसके सिमित संख्याका स्वस्थ्यकर्मिले असीमित संक्रमितको उपचार गर्न चुनौती भई हामीले नसोचेको परिणाम भोग्न पनि तयार हुनु पर्ने समय आउन सक्छ । सचेत बनौं । सावधानि अपनाऔं । राज्यका निर्देशनहरुको पुर्ण पालन गरौं । राज्यले समेत कोरोनो विरुद्ध आक्रमक रणनीतिका साथ जाई लाग्न आवश्यक छ ।