भारतीय मिडियामा कलाकारको प्रेमका बारेमा हुने चर्चा सामान्य नै हो । कलाकारहरू कुनै स्थानमा एकसाथ देखिए भने मिडियामा उनीहरू प्रेममा रहेको चर्चा सुरु हुन्छ ।
बलिउडमा केही समयदेखि नायिका कट्रिना कैफ र नायक बिक्की कौशलको प्रेम चर्चा सुरु भइरहेको छ । हुनत, यी दुईले आजसम्म प्रेममा रहेको स्वीकार भने गरेका छैनन् ।
नायक रणवीर कपुरसँग अलग भएपछि नायिका कैफ बिक्कीसँग नजिक भएको बताइन्छ । गतवर्षको तिहारमा एकसाथ एउटा पार्टीमा पुगेपछि उनीहरूबीच प्रेम चर्चा सुरु भएको हो । यसैबीच, शनिबार नायक कौशलको जन्मदिनको अवसरमा कट्रिनाले इन्स्टाग्राममा स्टाटस लेख्दै शुभकामना दिएकी छिन् । उनले लेखेकी छिन्–‘भगवानले तिम्रो जोस सधैं उच्च बनाइराखून् ।’
कट्रिनाको यो शुभकामनापछि भारतीय मिडियामा उनीहरूको प्रेम चर्चा झनै चुलिएको छ ।
