८ जेठ, काठमाडौं । वर्ल्ड पौडी च्याम्पियनसिप एक वर्ष पर धकेलिएको छ ।
विश्वव्यापी महामारीको रूप लिएको कोरोना भाइरसका कारण यूएईमा आगामी डिसेम्बरमा हुने तय भएको फिना वर्ल्ड च्याम्पियनसिप स्थगित गरिएको हो ।
पौडीको सर्वोच्च निकाय फिनाले बिहीबार विज्ञप्ति जारी गरी कोरोनाका कारण च्याम्पियनसिप एक वर्ष पर सरेको जनाएको छ ।
च्याम्पियनसिप यसै वर्ष डिसेम्बर १५ देखि २० सम्म युएईको आबुधाबीमा हुने तय थियो ।
जसअनुसार सन् २०२१ को डिसेम्बर १३ देखि १८ सम्म हुनेछ । यस्तै फिना अक्वाटिक्स च्याम्पियनसिप २०२१ डिसेम्बर १० देखि १२ सम्म हुनेछ ।
सन् २०२१ देखि २०२५ सम्मको फिना ब्युरो निर्वाचनका लागि फिनाको जेनरल कंग्रेस २०२१ जून ५ मा हुने भएको छ ।
