+
+

विदेशमा अलपत्रको उद्धार गर्ने तयारी गर्दैछौं : मन्त्री मानन्धर

होटल तथा रिसोर्टलाई क्वारेन्टाइन बनाइने

अनलाइनखबर अनलाइनखबर
२०७७ जेठ ८ गते १०:३८

८ जेठ, काठमाडौं । विदेशमा अलपत्र नेपालीको उद्धार गर्दा खाडी मुलुकमा रहेकाहरू पहिलो प्राथमिकतामा पर्ने सहरी विकास राज्यमन्त्री रामवीर मानन्धरले बताएका छन् । त्यसरी उद्धार गरिएकाहरूलाई राख्न होटल तथा रिसोर्टलाई क्वारेन्टाइन बनाउने तयारी भइरहेकाे उनले जानकारी दिए ।

बिहीबार सहरी विकास मन्त्रालयमा आयोजित कार्यक्रममा बोल्दै मन्त्री मानन्धरले घर फिर्ती चाहेका नेपालीको उद्धारका लागि तिनको वर्गीकरण गर्न लागेकाे बताए ।  वर्गीकरणमा खाडीमा कार्यरत नेपालीलाई पहिलो प्राथमिकतामा राखिने उनकाे भनाइ छ ।

‘विपदमा फसेका नेपालीबारे सरकार चिन्तित छ,’ बिहीबार मन्त्रालयमा आयोजित कार्यक्रममा बोल्दै मन्त्री मानन्धरले भने, ‘तिनको वर्गीकरण गरेर उद्धार थाल्छौं । त्यसरी उद्धार गर्दा खाडीमा रहेका पहिलो प्राथमिकतामा रहनेछन् ।’

रिसोर्टलाई क्वारेन्टाइन बनाउने तयारी

विदेशबाट उद्धार गरिएकालाई क्वारेन्टाइनमा राखेर आवश्यक स्वास्थ्य परीक्षणपछि मात्रै घर पठाउने योजना सरकारको छ ।

मन्त्री मानन्धरका अनुसार, उद्धार गरिएका नेपालीलाई राख्नका लागि होटल तथा रिसोर्टलाई क्वारेन्टाइन बनाउने तयारी पनि सरकारले सँगसँगै अगाडि बढाएको छ ।

‘व्यवस्थित ढंगले देशभर चलेका होटल तथा रिसोर्टहरूलाई क्वारेन्टाइन बनाउनेबारे आवश्यक परामर्श थालिसकेका छौं,’ मन्त्री मानन्धरले भने । त्यसरी प्रयोगमा ल्याइने निजी होटल तथा रिसोर्टलाई उपभोगबापत निश्चित रकम उपलब्ध गराउने मन्त्री मानन्धरले जानकारी दिए ।

 

 

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?