१५ जेठ, कैैलाली । कैलालीमा श्रीमतीलाई आत्महत्या गर्न बाध्य तुल्याएको भन्दै श्रीमानविरुद्ध मुद्दा परेको छ ।
जिल्लाको लम्कीचुहा नगरपालिका– ७, खरैलाकी ३५ वर्षकी सरिता भण्डारीको आत्महत्याको कारण श्रीमान् नै रहेको भन्दै माइती पक्षले प्रहरीमा उजुरी दिएको छ ।
श्रीमानको मानसिक र शारीरिक यातना सहन नसकेर मंगलबार भण्डारीले आत्महत्या गरेको भन्दै उनका दाजु झंकर विष्टले सरिताका श्रीमान् ३५ वर्षका खगेन्द्र भण्डारीविरुद्ध इलाका प्रहरी कार्यालय लम्कीमा उजुरी गरेका हुन् ।
इलाका प्रहरी कार्यालय लम्कीका प्रमुख प्रहरी निरीक्षक ज्ञानेन्द्र चन्दले घटनाबारे अनुसन्धान भइरहेको बताए । ‘श्रीमानविरुद्ध उजुरी आएको छ’ उनले भने, ‘उहाँलाई नियन्त्रणमा लिएर थप अनुसन्धान गर्छाैं ।’
