२ असार, वीरगञ्ज । प्रदेश २ मा ७ महिलासहित १ सय ८५ जनामा कोरोना संक्रमण पुष्टि भएको छ ।
सप्तरीमा ३ जना, सिराहामा २ जना, धनुषामा २१ जना, महोत्तरीमा ८९ जना, सर्लाहीमा १६ जना, रौतहटमा ५२ जना र पर्सामा २ जना पुरुषमा कोरोना संक्रमण पुष्टि भएको सामाजिक विकास मन्त्रालयले जनाएको छ । यससँगै प्रदेश २ मा संक्रमितको संख्या २ हजार ३ सय ६७ जना पुगेको छ ।
महोत्तरीको मठियानी नगरपालिकाका १३ वर्षीय एक बालक, १९ देखि ५१ वर्षसम्मका ५ जना पुरुष, महोत्तरीकै लोहरपट्टी नगरपालिकाका २६ र २७ वर्षका २ जना पुरुष, औरही नगरपालिकाकी २८ वर्षीया एक महिला, औरहीकै १८ देखि ४० वर्षसम्मका ८ जना पुरुषमा कोरोना संक्रमण पुष्टि भएको छ ।
रौतहटको यमुनामाई नगरपालिकाका १५ देखि ४० वर्ष उमेर समूहका ५ जना पुरुष, बौधीमाई नगरपालिकाका ८ र १२ वर्षीया दुई जना बालिका, सोही नगरपालिकाका १८ वर्षीया एक किशोरी र २८ वर्षीया २ जना महिला, बौधीमाईकै १९ देखि ६० वर्षसम्म १५ जना पुरुष, १ देखि १८ वर्ष उमेर समूहका १३ जना पुरुषमा संक्रमण पुष्टि भएको हो ।
पर्सामा वीरगञ्ज उपमहानगरपालिकाका २३ र ३१ वर्षका पुरुषहरुमा समेत कोरोना संक्रमण पुष्टि भएको छ ।
सप्तरीका ३ जना, सिराहाका २ जना, महोत्तरीका ७२ जना, सर्लाही १६ जना, रौतहटका १४ जना र धनुषाका २१ जना संक्रमितको थप विवरण आउन बाँकी छ ।
२८ संक्रमित डिस्चार्ज
प्रदेश २ मा पछिल्लो २४ घण्टामा १ जना महिला सहित २८ जना कोरोना संक्रमित पुरुष उपचारपछि डिस्चार्ज भएका छन् ।
सिराहा अस्पताल अन्तर्गतको महेन्द्र गेनाई कोभिड विशेष अस्पतालबाट ६ जना, सर्लाहीको फरहदवा स्वास्थ्य चौकी आइसोलेसनबाट १ जना महिला, रौतहटको चपुर अस्पताल आइसोलेसनबाट ५ जना पुरुष डिस्चार्ज भएका छन् । यस्तै वीरगञ्जस्थित गण्डक कोभिड अस्पतालबाट ३ जना पुरुष र सप्तरी गजेन्द्र नारायाण सिंह सगरमाथा अस्पाताल अन्तर्गतको साईकृष्ण कोभिड अस्पताल आइसोलेसनबाट १३ जना पुरुष डिस्चार्ज भएका छन् ।
