३ असार, काठमाडौं । चीनको राजधानी बेइजिङमा कोरोना भाइरसको संक्रमण बढेसँगै सहरका प्रमुख दुई एयरपोर्टको एक हजार २५५ आन्तरिक र बाह्य उडान रद्द भएका छन् । चाइना डेल्लीका अनुसार बेइजिङ क्यापिटल र बेइजिङ ड्यासिङ इन्टरनेशनल एयरपोर्टका उडानहरु रद्द गरिएको हो ।
मंगलबार बेइजिङमा संक्रमणको जोखिमको आधारमा लअर्ट लेभल ३ बाट बढाएर लेभल २ बनाइएको छ । सबैभन्दा जोखिम रहेको स्थानमा लेभल १ लकर्ट जारी गरिन्छ ।
पछिल्लो पाँच दिनमा बेइजिङमा एक सयभन्दा धेरै कोरोना संक्रमित भेटिएसँगै नरम किसिमको लकडाउन घोषणा गरिएको छ । बुधबार पनि बेइजिङमा कोरोना भाइरसका ३१ नयाँ संक्रमित भेटिएका छन् । यससँगै पछिल्लो पाँच दिनमा बेइजिङमा भेटिएका संक्रमितको संख्या १३७ पुगेको छ ।
स्रोत : सीएनएन
