१५असार, काठमाडौं । सेयर ब्रोकर कम्पनी नासा सेक्युरिटिजले केवाईसी र डिम्याट खाता घरबाटै खोल्न सकिने सुविधा ल्याएको छ ।
लुजडाउनको समयमा समस्यामा परेकाहरुलाई सेवा दिन यस्तो सुविधा थालिएको कम्पनीले जनाएको छ ।
‘केवाईसी अपडेट गर्न कम्पनीको वेबसाइटबाट अनलाइन रजिष्ट्रेसन फारम भरी अद्यावधिक गर्न सकिन्छ, साथै डिम्याट खाता नभएका लगानीकर्ताले पनि अनलाइनबाटै खाता खोल्न सक्ने छन्,’ कम्पनीको विज्ञप्तिमा भनिएको छ ।
खोलिएको डिम्याट खाता तीन महिनाभित्र भेरिफाइ गराउनु पर्ने र नभए खाता फ्रिज हुने पनि कम्पनीले स्पष्ट पारेको छ ।