Comments Add Comment

युभेन्ट्सको जितमा रोनाल्डो र डिबलाको गोल, लाजियोको पुनरागमन जित

१७ असार, काठमाडौं । इटालियन सिरी ए अन्तर्गत गएराती भएको खेलमा लिग लिडर युभेन्ट्सले सहज जित हात पार्दा दोस्रो स्थानको लाजियोले पुनरागमन जित दर्ता गरेको छ ।

क्रिस्टियानो रोनाल्डो, पाउलो डिबला र डुगलास कोस्टाको गोलमा युभेन्ट्सले जेनोअलाई ३-१ ले पराजित गरेको हो । खेलमा सबै गोल दोस्रो हाफमा भएको थियो । जेनोअले घरेलु मैदानमा पहिलो हाफमा युभेन्ट्सलाई गोलरहित बराबरीमा रोकेको थियो ।

तर ५०औं मिनेटमा डिबलाले गोल गर्दै युभेन्ट्सलाई अग्रता दिलाए । ५६औं मिनेटमा रोनाल्डोले गोल गर्दै युभेन्ट्सको अग्रता दोब्बर पारे ।

कोस्टाले ७३औं मिनेटमा गोल गरेपछि युभेन्ट्स बलियो स्थितिमा पुग्यो । जेनोअको लागि घरेलु मैदानमा आन्द्रे पोनामोन्टीले ७६औं मिनेटमा सान्त्वना गोल फर्काए ।

जितपछि युभेन्ट्सले २९ खेलबाट ७२ अंक जोड्दै दोस्रो स्थानको लाजियोसँग ४ अंकको दूरी कायम राखेको छ ।

युभेन्ट्सलाई पछ्याउने क्रममा दोस्रो स्थानको लाजियोले टोरियोनालाई २-१ ले पराजित गरेको हो । एक गोलले पछि परेको लाजियोले पुनरागमन गर्दै दोस्रो दुई गोल गरेको हो । खेलको पाँचौ मिनेटमै आन्द्रे बेलोट्टीले पेाल्टीमा गोल गर्दै घरेलु टोली टोरियनोलाई अग्रता दिलाएका थिए । तर दोस्रो हाफमा अग्रता कायम राख्न सकेन ।

४८औं मिनेटमा सिरो इम्मोबाइलले लाजियोको लागि बराबरी गोल गरे । ७२औ मिनेटमा मार्को पारोलोले गोल गर्दै लाजियोलाई जित दिलाए ।

जितपछि लाजियोले २९ खेलबाट ६८ अंक जोडेको छ ।

यो खबर पढेर तपाईलाई कस्तो महसुस भयो ?

ट्रेन्डिङ

Advertisment