२१ असार, काठमाडौं । मेक्सिकोमा कोरोना भाइरस (कोभिड-१९) बाट मृत्यु हुनेको संख्या ३० हजार नाघेको छ ।
मेक्सिकोको स्वास्थ्य मन्त्रालयका अनुसार अहिलेसम्म मुलुकमा ३० हजार ३६६ जनाको कोरोना भाइरसको कारण मृत्यु भइसकेको छ । पछिल्लो २४ घण्टामा मात्र मेक्सिकोमा कोरोना भाइरसबाट ५२३ जनाको मृत्यु भएको हो ।
त्यस्तै मेक्सिकोमा कोरोना भाइरसबाट संक्रमित हुनेको संख्या पनि दुई लाख ५२ हजार १६५ पुगेको छ । पछिल्लो २४ घण्टामा मेक्सिकोमा कोरोना भाइरसबाट ६ हजार १४ जना नयाँ संक्रमित फेला परेका हुन् ।
मेक्सिको सरकारले यसअघि नै मुलुकमा वास्तविक संक्रमितको संख्या पुष्टि भएका संक्रमितभन्दा धेरै बढी हुन सक्ने बताएको थियो । यसअघि जुन १९ मा सार्वजनिक भएको एक प्रतिवेदनले मेक्सिकोमा कोरोना भाइरसबाट मृत्यु हुनेको संख्या सरकारी तथ्यांकभन्दा दोब्बर रहेको देखाएको थियो ।
स्रोत : अलजजिरा