२१ असार, काठमाडौं । इरानमा कोरोना भाइरस (कोभिड-१९) को दोस्रो लहरको आशंका बढेसँगै सार्वजनिक स्थानमा मास्क लगाउनेबारे नयाँ नियम ल्याइएको छ ।
इरानका राष्ट्रपति हसन रौहानीले सरकारले ल्याएको नियम नमान्ने मानिसहरुलाई अहिले दिँदै आएको सरकारी सुविधा कटौती गरिने बताएका छन् । कुनै कार्यालय, पसल वा कार्यस्थलका लागि ल्याएको नियम पालना नभए सो व्यवसायलाई एक साताका लागि बन्द गरिने रौहानीले बताएका छन् ।
इरानमा गत अप्रिल महिनामा कोरोना भाइरसको नयाँ संक्रमणमा कमी आउन सुरु गरेको थियो । तर, पुनः कोरोना भाइरसका नयाँ संक्रमितको संख्यामा वृद्धि भइरहेको छ । संक्रमण पुनः बढेसँगै इरानले पाँच प्रान्तका सहर तथा क्षेत्रहरुमा लकडाउन गरेको छ ।
स्रोत : बीबीसी
