२३ असार, काठमाडौं । अमेरिकामा कोरोना भाइरस (कोभिड-१९) बाट मृत्यु हुनेको संख्या एक लाख ३० हजार नाघेको छ । जोन्स हप्किन्स युनिभर्सिटीको तथ्यांक अनुसार अहिलेसम्म अमेरिकामा कोरोना भाइरसको कारण एक लाख ३० हजार ३०६ जनाको मृत्यु भएको छ । पछिल्लो २४ घण्टामा मात्र अमेरिकामा ३२५ जनाको मृत्यु भएको हो ।
अहिलेसम्म अमेरिकामा २९ लाख ३८ हजार ६२४ संक्रमित फेला परिसकेका छन् । पछिल्लो २४ घण्टामा मात्र अमेरिकामा ४४ हजार ९५३ नयाँ संक्रमित थपिएका हुन् ।
कोरोना भाइरसको कारण विश्वको सबैभन्दा प्रभावित मुलुक बनेको अमेरिकामा पछिल्लो केही समययता कोरोना भाइरसका संक्रमितको संख्या बढिरहेको छ । अमेरिकाको न्युयोर्क सबैभन्दा प्रभावित राज्य बनेको छ भने दोस्रो स्थानमा क्यालिफोर्निया छ । तेस्रो स्थानमा टेक्सास आइपुगेको छ । कोरोना भाइरसका नयाँ संक्रमित बढेसँगै फ्लोरिडा, टेक्सास र एरिजोनालगायतमा पुनः लकडाउन घोषणा गरिएको थियो ।
स्रोत :सीएनएन
