२१ साउन, काठमाडौं । सामान्तया कोरोना संक्रमण देखियो भने सकेसम्म लुकाउने चलन छ । निजी क्षेत्रका व्यवसायिक र्फम प्रतिष्ठानहरुका कुनै कर्मचारीहरुमा कोरोना देखियो भने त झन् सकेसम्म बाहिर थाहा हुनै दिँदैनन् ।
कोरोना संक्रमणबाट सतर्क हुनका लागि पनि यदि कसैलाई कोरोना लागेको छ भने जानकारी दिनुपर्छ । तर, व्यवसायमा असर पर्ला कि भनेर धेरै प्रतिष्ठानहरुले सूचना लुकाउँछन् । तर, एमएडब्लू भने फरक देखियो । एमएडब्लुको कार्यालयमा गत आइतबार एक जनामा कोरोना संक्रमण देखियो ।
संक्रमण देखिएपछि कर्मचारीहरु सबैको पीसीआर परीक्षण गरियो । थप ५ जनामा कोरोना देखियो । यो कुरा कम्पनीले लुकाएन । संक्रमितहरु सबैलाई आइसोलेसनमा उपचारका लागि पठाएर काठमाडौं महानगरपालिकाको सहकार्यमा कार्यालयमा स्यानिटाइज गर्यो ।
कोरोना संक्रमण फैलन नदिन उच्च सतर्कता अपनाएको यो कम्पनीले अहिले पनि सीमित कर्मचारीहरुमात्रै राखेर कार्यालय सञ्चालन गरिरहेको छ । कम्पनीको एउटा कार्यालयमा मात्रै कोरोना देखिएको थियो । अर्थात् कम्पनीका सो-रुमहरुमा भने कुनै त्यस्तो संक्रमण देखिएको छैन । सुरक्षा सतर्कता भने सबै सो-रुमहरुमा उच्च अपनाइएको छ ।
अहिले यस कम्पनीको यामाहा सो-रुममा जाने जोकोही ग्राहकले पनि पूर्ण सुरक्षित महशुस गर्न सक्छन् । जुन दृश्य हामीले पनि स्थलगत अवलोकनका क्रममा देख्यौं । बिहीबार यामाहाको सो-रुम त्रिपुरेश्वरमा पुग्दा त्यहाँ उच्च सतर्कता अपनाइएको थियो ।
शोरुमको मूख्य प्रवेशद्वारमा नै कोरोना संक्रमणबाट जोगिनका लागि सचेतना मूलक पोस्टर टाँसिएको छ । त्यहाँ पस्ने ग्राहकहरुलाई सचेत बनाउन त्यसले पनि केहि ज्ञान दिन्छ । प्रवेशद्वारबाट भित्र पस्ने बित्तिकै सुरक्षार्थ खटिएका गार्डले आगन्तुकको तापक्रम नाप्छन् ।
तापक्रम ठीक भएको अवस्थामा मात्रै भित्र पस्न पाउँछन् । यदि कोहि शंकास्पद देखिएमा सुरक्षा गार्डले भित्र नपस्न आग्रह गर्नेछन् । तापक्रम नापेर ठीक छ भनेपछि गेट भित्र खुट्टाबाट चल्ने स्यानिटाइजर राखिएको छ । जसले हातमा खतरा महशुस गराउँदैन ।
नजिकै फेस माक्स राखिएको छ । प्रवेश गर्ने कर्मचारीहरु पनि आफूले लगाएको मास्क नजिकैको डस्टवीनमा फालेर फ्रेस मास्क लगाएर मात्रै भित्र पस्छन् ।
भित्र पनि न्युनतम दूरी कायम गराउनका लागि मार्किङ गरिएको छ । कर्मचारीहरु पनि एकदमै सतर्क छन् । कर्मचारीहरु सबैले उच्च सतर्कता अपनाएका छन् ।
मास्क मात्रै होइन आँखा छेक्नका लागि ग्लास समेत लगाएका छन् । कर्मचारीहरु सबैको हातमा ग्लोब्स छ । आएका ग्राहकहरुलाई पनि दूरी कायम गराएरमात्रै बस्न दिइन्छ ।
त्यहाँको दृश्य हेर्दा यस्तो छ कि यहाँ जत्ति अन्त सतर्कता अपनाइएको छैन । उच्च सतर्कता अपनाएका कारण त्यहाँ कुनै ग्राहकले असुरक्षित महशुस गर्नै नपाउने यामाहा टु हृलिर्स डिभिजनका प्रमुख कार्यकारी अधिकृत (सीईओ) चिरञ्जीवि शाह बताउँछन् ।
आएका ग्राहकहरुले मोटरसाइकल तथा स्कुटर छुने भइहाले । एक जनाले छोएको ठाएँमा अर्कोले छुदा संक्रमण भए सर्ने जोखिम हुन्छ ।
तर, एक जनाले छुइसके पछि स्यानिटाइज गरिहालिने भएका कारण यसबाट पनि डराउने पर्ने अवस्था नभएको सीईओ शाह बताउँछन् ।
सीईओ साहका अनुसार एमएडब्लुको टु-ह्विलर डिभिजनको त्रिपुरेश्वरस्थित मल्ल कम्प्लेक्सको तेस्रो तल्लामा रहेको ‘ब्याक अफिस’मा गत आइतबार कोरोनाको एउटा केस देखिएको थियो । त्यसपछि उनीसँग प्रत्यक्ष र अप्रत्यक्ष रुपमा सम्पर्कमा आउनु भएका कर्मचारीहरुको ट्रेसिङ गरेर अफिसमा आएका कर्मचारी गरी ५१ जनाको पीसीआर टेस्ट गराएकोमध्ये पाँच जनामा पोजेटिभ देखियो ।
‘तर, सोरुमका कुनै कर्मचारीमा कोरोना देखिएको छैन । ‘हामीले दुई दिन अफिस पूर्ण रुपमा बन्द गर्यौं र काठमाडौं महानगरपालिकाबाट स्यानिटाइज गराइसकेका छौं, अहिले २५ प्रतिशत कर्मचारीबाट सुरक्षाका सबै प्रोटोकल पालना गरी काम गरिरहेका छौं’ सीईओ शाहले भने ।
‘सुरक्षा नै पहिलो प्राथमिकता’
कम्पनीका म्यानेजिङ डाइरेक्टर विष्णु अग्रवाल अहिले सबैभन्दा पहिला सुरक्षालाई प्राथमिकतामा राखिएको बताउँछन् । उच्च सतर्कता अपनाएर सो-रुमहरु खोलिएको भन्दै उनले अहिले डराउने पर्ने अवस्था नरहेको बताए ।
‘एमएडब्लुले सदा थप सावधानी अपनाउँदै आएको छ, हाम्रा ग्राहक, कर्मचारी र नजिकको समुदायको स्वास्थ्य र सुरक्षालाई पहिलो प्राथमिकता दिन्छौं’ अग्रवालले भने, ‘एमएडब्लुले धेरै पहिलेदेखि अनलाइन मिटिङको अभ्यास थालिसकेका छौँ, अनावश्यक प्रवेश र चहलपहलमाथि रोक लगाइसकेका छौं ।’
कम्पनीमा कार्यरत सबै कर्मचारीहरुको कोभिड-१९ बीमा गराइसकेको समेत उनले जानकारी दिए । स्वास्थ्य सतर्कता अपनाउनका लागि कम्पनीले आफ्नै मापदण्डहरु समेत बनाएको छ । विश्व स्वास्थ्य संगठनले बनाएका मापदण्डहरु सबै पालना गरिरहेको र त्यसका अतिरिक्त थप केहि मापदण्डहरु बनाएको कम्पनीले जनाएको छ ।
कोरोनाबाट जोगिनका लागि कम्पनीमा कार्यरत कर्मचारीहरुको मोवाइल समेत स्यानिटाइज गर्ने गरिएको छ । बाहिर खाजा खान जान पाइँदैन ।
कर्मचारीहरुले घरबाटै खाजा बोकेर आउनु पर्नेछ भने खाजा एक अर्कामा बाँडेर समेत खान मिल्ने छैन । सुरक्षाका विषयमा आफूहरु सचेत रहेको भन्दै उनले सो-रुममा आउन डराउनु पर्ने अवस्था नरहेको बताए ।
