३० साउन, काठमाडौं । केन्द्रीय अनुसन्धान ब्युरो (सीआईबी) मा रहेको मुद्दा मिलाइदिने भनेर ठगी गरेको अभियोगमा एकजना पक्राउ परेका छन् । पक्राउ पर्नेमा धादिङ घर भई काठमाडौंको तरकेश्वर बस्दै आएका ३६ वर्षीय शंकरप्रसाद अधिकारी छन् ।
उनलाई सीआईबीको टोलीले पक्राउ गरेको एसपी बेलबहादुर पाण्डेल बताए । उनका अनुसार अधिकारीले काठमाडौंका एक व्यवसायीलाई सीआईबीका इन्स्पेक्टरलाई ५ लाख रुपैयाँ दिएमा मुद्दा मिल्ने बताउँदै ठगी गरेका थिए ।
उनले आफूलाई आलोचना साप्ताहिकको सम्वाददाताका रुपमा चिनाउने गरेको पाण्डेले बताए । उनले अन्य व्यक्तिलाई ठगी गरेको हुनसक्ने आशंकामा विस्तृत अनुसन्धान भइरहेको बताइएको छ ।
