+
+

कास्कीमा ५ र तनहुँमा १ जनामा कोरोना पुष्टि

अनलाइनखबर अनलाइनखबर
२०७७ साउन ३२ गते ८:०५

३२ साउन, पोखरा । गण्डकी प्रदेशका दुई जिल्लामा थप ६ जनामा कोरोना संक्रमण देखिएको स्वास्थ्य निर्देशनालय पोखराले जनाएको छ ।

निर्देशनालयले आइतबार बिहान ६ः२० बजे सार्वजनिक गरेको विवरणअनुसार संक्रमित हुनेहरु कास्कीका ५ जना र तनहुँका १ जना छन् ।

यससँगै गण्डकी प्रदेशमा कोरोना संक्रमितहरुको संख्या १ हजार ७ सय ९ पुगेको छ ।

गण्डकी प्रदेश कोरोना नियन्त्रण तथा रोकथाम कार्यक्रमका निर्देशक डा. विनोद विन्दु शर्माले दिएको जानकारीअनुसार पछिल्लो पटक संक्रमित हुनेहरुमा कास्कीको पोखरा महानगरपालिका वडा नं. १६ मा २२ र ३० वर्षका पुरुष तथा ५० र २२ वर्षका महिला छन् ।

यसैगरी पोखरा महानगरपालिकाकै वडा नं. ५ मा ३३ वर्षीया एक जना महिलामा पनि कोरोना संक्रमण पुष्टि भएको छ ।

डा. शर्माका अनुसार तनहुँको भानु नगरपालिका वडा नं. ४ मा ३० वर्षीय एक जना पुरषमा पनि कोरोना संक्रमण देखिएको छ ।

संक्रमित सबैलाई सम्बन्धित जिल्लाको आइसोलेसन कक्षमा लैजाने तयारी भइरहेको डा. शर्माले जानकारी दिए ।

 

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?