१ भदौ, बुटवल । लुम्बिनी प्रादेशिक अस्पतालका शल्य चिकित्सक डा. कृष्ण खनाललाई कोरोना भाइरसको संक्रमण पुष्टि भएको छ ।
डा. खनालले सोमबार सामाजिक सञ्जाल फेसबुकमा स्टाटस लेख्दै आफूलाई कोरोना पोजेटिभ देखिएको जानकारी गराएका हुन् ।
‘मेरो कोभिड–१९ पोजेटिभ देखिएकोले सेल्फ आइसोलेसनमा रहेको छु, मेरो सम्पर्कमा आएकाहरूले परीक्षण गरी ढुक्क हुनुहोस्’ डा. खनालले फसबुकमा लेखेका छन् ।
उनले आफू सुरक्षित आइसोलेसनमा रहेको जानकारी गराउँदै आफ्नो सम्पर्कमा आएकाहरूलाई पनि परीक्षण गरी ढुक्क हुन आग्रह गरेका छन् ।
