३१ भदौ, डोटी । डोटीको दिपायलस्थित सुल्लेकमा कार्यरत नेपाली सेनाका थप ४० जनामा कोरोना संक्रमण पुष्टि भएको छ । बुधबार जिल्ला अस्पताल डोटीको प्रयोगशालामा गरिएको परीक्षणमा दिपायल सिलगढी नगरपालिका -४ सुल्लेकमा रहेको नेपाली सेनाको गुरुबक्स गणमा कार्यरत ४० जना सैनिक कर्मचारीहरुमा संक्रमण देखिएको स्वास्थ्य कार्यालय डोटीका कार्यालय प्रमुख रमेश मलासीले जानकारी दिए ।
यसअघि भदौ १६ गते सोही ब्यारेकमा कार्यरत २१ जना र मंगलबार ६ जनामा कोरोना पुष्टि भएको थियो । बुधबारका समेत गरी सोही गणमा कार्यरत ६७ जनामा कोरोना पुष्टि भएको छ ।
योसँगै जिल्लामा कोरोना संक्रमतिको संख्या एक हजार २९ पुगेको छ । जिल्लामा १०१ जना सक्रिय संक्रमित रहेको स्वास्थ्य कार्यालयका प्रमुख रमेश मलासीले बताए ।
