१ असोज, काठमाडौं । रोजगारी खोज्ने र श्रमिक चाहिने दुबै पक्षलाई लक्षित गर्दै ‘हायर मी नेपाल’ सञ्चालनमा आएको छ । हायमीले रोजगार चाहिनेहरुलाई रोजगारको खोजी गर्ने र कर्मचारीहरु चाहिनेका लागि कर्मचारी खोजिदिने एजेन्टको रुपमा काम गर्ने बताइएको छ ।
बिहीबार हायरमी नेपालको मोबाईल एप समेत सार्वजनिक गरेको छ । रोजगारदाता र रोजगारी खोज्नेलाई एउटै प्लेटफर्ममा सम्पर्क गराउने उद्देश्यले श्रावण १ गतेबाट हायरमी नेपालको अनलाइन वेबसाइट लन्च भएको थियो ।
यो डिजिटल प्लेटफर्म र एप निःशुल्क रूपमा प्रयोग गर्न सकिने बताइएको छ । कम्पनीले अबको २ वर्षमा पाँच लाख व्यक्ति र कम्पनीलाई रजिष्टर्ड गर्न लगाई ५० हजारलाई रोजगारीको सुविधा उपलब्ध गराउने लक्ष्य लिएको कम्पनीले जनाएको छ ।
