६ असोज, काठमाडौं । आफ्नो पदीय जिम्मेवारी इमान्दारिताका साथ निर्वाह गर्ने १७ जना ट्राफिक प्रहरी मंगलबार सम्मानित भएका छन् ।
नेपाल प्रहरीले अख्तियार गरेको आर्थिक शून्य सहनशीलतालाई अक्षरसः पालना गर्ने ट्राफिक प्रहरीलाई महानगरीय ट्राफिक प्रहरी महाशाखाले सम्मान गरेको हो ।
महाशाखामा एक कार्यक्रमको आयोजना गरी एसएसपी भिम ढकालले टीका, दोसल्ला र प्रशंसा पत्रले उनीहरुलाई सम्मान गरेका हुन् ।
सवारी नियम उल्लङ्घन गर्ने चालक÷सहचालकले आर्थिक प्रलोभनमा पार्न खोज्दा पनि त्यसको बेवास्ता गर्दै नियम उल्लङ्घन गर्नेमाथि नियमानुसार कारवाहीको दायरामा ल्याई आफ्नो जिम्मेवारी पूर्ण रूपमा पूरा गर्ने ट्राफिक प्रहरीहरूलाई सम्मानित गरिएको ढकालले बताए ।
