७ असोज, काठमाडौँ । कोरोना महामारीका कारण देश विभिन्न संकटसँग जुधिरहेको छ । तर, यसैकाबीच थापाथलीस्थित रहेको द ब्रिटिस कलेजले भने अनलाइनमार्फत गुणस्तीय शिक्षा आफ्ना विद्यार्थीहरुलाई प्रदान गरिरहेको छ ।
द ब्रिटिस कलेजका एसोसियट डिन अरुण लाल जोशी भन्छन्, ‘फेब्रअरी, २०२० मा कोरोनाभाइरसको खबर संसारभर फैलियो । नेपालका आम मानिसहरू पनि यो भाइरसबारे निकै उत्सुकताका साथ सरकारबाट सूचनाको प्रतिक्षा गरिरहेका थिए ।
उक्त समयमा ब्रिटिश कलेजले फेस टु फेस कक्षा सञ्चालन गरिरहेको थियो । नेपालमा कोरोना संक्रमणबारे रिपोर्ट सामान्य रूपमा मात्र गरिएको थियो । सबैलाई झैँ कलेजलाई पनि लागेको थियो ,यो महामारी समयैमा नै नियन्त्रण हुन्छ भनि ।’
उनी अगाडि भन्छन्, ‘त्यस समयमा, विश्वभरका विश्वविद्यालयहरू बिस्तारै अनलाइन कोर्स डेलिभरीमा गर्ने तयामा लागेका थिए । हाम्रो व्यवस्थापन टोलीले परिस्थितिको आकलन गरेपछि ब्रिटिस कलेजले पनि त्यस्ता अप्रत्याशित परिस्थितिहरूको लागि तयार हुनुपर्ने महसुस गर्यो । हामी हाम्रो साझेदार विश्वविद्यालयहरूसँग सल्लाह र परामर्श सुरू भयो। आगामी महिनाहरूमा विभिन्न प्रकारका व्यवधानहरू व्यवस्थित गर्न विस्तृत परिदृश्य योजनामा व्यस्त थियौं। यसैका बीच हामीले आफ्ना शिक्षक वर्ग र सहयोगी कर्मचारीलाई तालिम दिने काम गर्यौँ । सोही योजना अनुरुप हामी अगाडि बढ्यौँ ।’
कोरोना भाइरस नियन्त्रणका लागि सरकारले विभिन्न योजना ल्याउने रणनीतिमा रहेको थियो । जोशी भन्छन्, ‘२५ मार्च, २०२० मा सरकारले कोरोना नियन्त्रणका गर्न भन्दै दुई हप्ताका लागि लकडाउन गरेको घोषणा गर्यो । त्यसबेला सम्म हामी शैक्षिक वर्ष २०१९/२० को अन्तिम सेमेस्टरको बीचमा थियौं । हाम्रो तयारी र जोखिमलाई समयमै मूल्यांकन गर्ने क्षमताको कारण, हामी २२ मार्च, २०२० देखि अनलाइन मोडमा क्लास सुरु गरिसकेका थियौँ । संयोगवश, हाम्रो पार्टनर विश्वविद्यालयले २२ मार्च, २०२० बाट आफ्नो अनलाइन कक्षा पनि सुरू गरिसकेका थिए । बेलायतमा रहेका विश्वविद्यालयहरुले जुन स्तरमा अनलाइन क्लास दिइरहेका छन् सोही गुणस्तर पालना गर्दै ब्रिटिस कलेजले पनि आफ्नो जिम्मेवारी पुरा गरिरहेको छ ।’
ब्रिटिस कलेजले विद्यार्थीहरुको पढाइमा कुनै पनि प्रकारको समस्या आउन नदिन एकपछि अर्को रणनीति बनाउँदै अगाडि बढिरहेको उनी बताउँछन् । उनी अगाडि भन्छन्, ‘अनलाइन कक्षा प्लेटफर्म हाम्रा सबै सम्बन्धित सरोकारवाला, विद्यार्थी र शिक्षण स्टाफका लागि नयाँ थियो, हामी यसलाई तयार भएको थोरै समयमा हामीले यसलाई प्रभावकारी रूपमा व्यवस्थापन गर्न सफल भयौं ।’
त्यस्तै, ब्रिटिस कलेजले यो कठिन अवस्थामा पनि विद्यार्थीलाई भर्चुअल रुपमा सर्भिसहरु दिने काम गर्दै आइरहेको उनले जानकारी दिए । यो अवधिमा ब्रिटिस कलेजका सबै स्टाफहरू घरबाटै काम गरिरहेका छन्, र अनलाइन कक्षा र सेवाहरूमा जानकारीबारे प्रतिक्रिया लिन दैनिक रुपमा लागीरहेको बताउँछन् ।
उनी भन्छन्,‘यसबीच देखिएको मुख्य समस्या भनेको विद्यार्थी र शिक्षण स्टाफका लागि इन्टरनेट सेवा र बिजुली रहेको थियो । यो समस्यालाई सुल्झाउनको लागि कलेजले सबै विद्यार्थीहरूलाई अनलाईनमा प्रतक्ष लाइभ लेक्चर हुँदै रेकर्ड गरिएको लेक्चरहरु समेतको उपलब्ध गराउँदै आइरहेका छौं। विध्यार्थीहरू आफुले समय मिलाउन नसकेर छुटेका लेक्चरहरुको समेत केही समय पछाड़ि पनी फिरस्त अध्यन गर्नसक्ने नया वातावरणको सिर्जना गरेको जोशीले जानकारी दिए ।
त्यस्तै गरी बर्तवान परिस्थितिमा यूरोप र अमेरिकाका सबैखालका यूनिवर्सिटीहरूले बिध्यार्थीको पठन पाठनहरूलाई प्रमूखरूपमा अनलाईन मार्फतनै अगाडि बढाएको जोसीले जानकारी दिए ।
