९ असोज, काठमाडौं । नेपाल कम्युनिस्ट पार्टी (नेकपा) का प्रवक्ता नारायणकाजी श्रेष्ठले काठमाडौंस्थित रानीवनमा रहेको आइसोलेसन सेन्टरको ढल र फोहोरको उचित व्यवस्थापन गर्न सरोकारवाला पक्षलाई निर्देशन दिएका छन् ।
नागार्जुन नगरपालिकास्थित रानीवनमा रहेको आइसोलेसन सेन्टरको ढल र फोहोरको उचित व्ययवस्थापन नहुँदा आफूहरु समस्या परेको गुनासो स्थानीयले नेता श्रेष्ठ समक्ष राखेका थिए ।
नेता श्रेष्ठले सहरी विकासका महानिर्देशक मणिराज गेलाल, स्वास्थ्य सेवा विभागका महानिर्देशक डा.दिपेन्द्र रमण सिंह, सर्वाङ्ग हस्पिटलका प्रमुख शुशिलबाबु खनाललाई आइसोलेसन सेन्टरबाट निस्कने फोहोरको उचित व्यवस्थापनमा तत्काल लाग्न निर्देशन दिएका हुन् ।
उक्त आइसोलेसन सेन्टरको व्यवस्थापन कुपण्डोलस्थित सर्वाङ्ग हस्पिटलले गर्दै आइरहेको छ । आइसोलेसनबाट निस्कने फोहोर र ढलको उचित व्यवस्थापन नहुँदा नजिकका बस्तीमा असर परेको स्थानीयको गुनासो थियो ।
५ सय ८० बेडको रानीवन आइसोलेसन सेन्टरमा हाल ३५८ जना कोरोना संक्रमित उपचाररत छन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4