२९, असोज, काठमाडौं । नगरपालिकामा एकैदिन ९६ जनालाई कोरोना संक्रमण पुष्टि भएपछि धादिङको निलकण्ठ नगरपालिकाको सेवा बन्द गरिएको छ ।
कर्मचारी र जनप्रतिनिधिलाई नै कोरोना देखिएपछि तत्कालका लागि नगरपालिकाबाट प्रदान हुने अत्यावश्यकबाहेकका सेवा बन्द गरिएको नगरपालिकाले जनाएको छ ।
असोज २५ गते स्वाब संकलन गरी राष्ट्रिय जनस्वास्थ्य प्रयोगशालामा पठाइएको र बुधबार उक्त नतिजा प्राप्त भएको नगरपालिकाका निमित्त प्रमुख प्रशासकीय अधिकृत तुलबहादुर महतले जानकारी दिए ।
संक्रमितको सम्पर्कमा रहेकाहरुको ट्रेसिङ भइरहेको र त्यो सकिएर स्वाब संकलन नगरेसम्म सिल यथावत रहने नगरपालिकाले जनाएको छ ।
