१६ कात्तिक, काठमाडौं । अमेरिकी सहयोग नियोग मिलेनियम च्यालेन्ज कर्पाेरेसन (एमसीसी) अन्तर्गतको सहयोग लिने कि नलिने भन्ने सम्बन्धमा श्रीलंकामा तीव्र बहस भइरहेको बेला अमेरिकाले, श्रीलंकाले सो सहयोग लिन्न भनी निर्णय गर्न सक्ने बताएको छ ।
एउटा परियोजना अस्वीकृतिले दुईपक्षीय सम्वन्धमा कुनै असर नगर्ने अमेरिकाको भनाइ छ ।
श्रीलंकाले एमसीसीका लागि दुई पटक म्याद गुजारिहेको सम्बन्धमा सोधिएको प्रश्नमा अमेरिकी विदेशमन्त्री माइक पम्पियोले भनेका छन्, ‘यदि श्रीलंकाको लागि यो उपयोगी छैन भने यसलाई नलिने निर्णय गर्न सक्छ । हाम्रो दुईपक्षीय सम्बन्धको गहिराइ कुनै एउटा कारोबार र अवसरभन्दा निकै माथि छ । पर्याप्त सहयोग हुनेछ । यी विषयमा हामी श्रीलंकाको सरकारसँग नजिकबाट काम गर्छौं ।’
नेपालमा पनि एमसीसीबारे चर्को बहस भइरहेको छ । नेपालले एक पटकको म्याद गुजारिसकेको छ ।
