काठमाडौं । केपी ओली सरकारले संसद विघटन, बेमौसमी अध्यादेश जारी गर्नेलगायत अलोकतान्त्रिक कार्य गरेको भन्दै ‘जनसाहित्यिक लेखक संघ’ नेपालले आपत्ति जनाएको छ ।
बिहिबार एक प्रेस विज्ञप्ति जारी गर्दै संघले सरकारी कदमविरुद्ध सबै लेखकलाई एकजुट हुन आह्वानसमेत गरेको हो ।
राज्यको विषम परिस्थितिमा प्रगतिशील साहित्यकारहरुको विशेष भूमिका रहने बताउँदै संघले प्रतिरोधमा उत्रन आग्रह गरेको छ । साथै संक्रमणकालीन परिस्थितिमा जनतामाझ सचेतना र राजनीतिक जागरण ल्याउन साहित्यकार जिम्मेवार हुनुपर्ने पनि उल्लेख गरिएको छ ।
संघका सहसंयोजक केशव सिलवालले जारी गरेको विज्ञप्तीअनुसार गणतन्त्र, समावेशीजस्ता उपलब्धि कसैको पेवा नभएको भन्दै यसको रक्षार्थ लेखक तथा साहित्यकार उभिनुपर्ने बताइएको छ ।
