२६ पुस,काठमाडौं । नेपाली कांग्रेसका प्रवक्ता विश्वप्रकाश शर्माले प्रधानमन्त्री केपी शर्मा ओलीलाई संविधानको किताब उपहार पठाएका छन् ।
प्रतिनिधिसभा विघटन संविधानसम्मत रहेको जिकिर गर्दै ओलीले संविधान पढ्न सुझाव दिएपछि जवाफमा शर्माले संविधानको किताब उपहार पठाएका हुन् ।
प्रवक्ता शर्माले संविधानसँगै भोकका कारण मृत्यु भएका सूर्यबहादुर तामाङ, आइसोलेसनमा उपचार नपाएर मृत्यु भएका राजु सदा र बलात्कारपछि हत्या भएकी निर्मला पन्तको तस्वीर पनि प्रधानमन्त्रीलाई पठाएका छन् ।
प्रवक्ता शर्माले नेपाल प्रेस युनियन काठमाडौं जिल्ला अध्यक्ष जगन्नाथ दुलालमार्फत ओलीलाई संविधान पार्सल पठाएका हुन् । दुलालले संविधानसहितको पार्सल हुलाकमार्फत पठाएको जानकारी दिए ।
