८ माघ, काठमाडौं । महिला राष्ट्रिय लिग फुटबलमा वालिङ नगरपालिका स्याङ्जा र विराटनगर महानगरपालिका मोरङले बराबरी खेलेका छन् ।
सातदोबाटोस्थित एन्फा कम्प्लेक्समा बिहीबार भएको खेलमा वालिङ र विराटनगरले १-१ गोलको बराबरी खेल्दै अंक बाँडेका हुन् ।
खेलको दोस्रो मिनेटमै वालिङले अग्रता लिएको थियो । हिमा रावतको कर्नरमा सम्झना शर्माले हेड गोल गर्दै वालिङलाई अग्रता दिलाएकी थिइन् । तर, दोस्रो हाफमा विराटनगरले बराबरी गोल फर्कायो ।
विराटनगरकी आशा कुमारीले ६३ औं मिनेटमा फ्रिकिकबाट गोल गर्दै खेल १-१बराबरीमा गरिन् ।
आशाको फ्रिकिक वालिङको गोलरक्षक सावित्री किशनले बचाउन सकिन्न । खेलमा प्लेयर अफ दि म्याच वालिङकी सरस्वती हमाल घोषित भईन् ।
