२०७७ माघ १५ गते ९:५८ 
१५ माघ, काठमाडौं । चौथो संस्करणको प्रधानमन्त्री कप पुरुष राष्ट्रिय क्रिकेट प्रतियोगिताको दोस्रो सेमिफाइनलमा आज बागमती प्रदेश र त्रिभुवन आर्मी क्लब भिड्दैछन् ।
कीर्तिपुरस्थित टीयू अन्तर्राष्ट्रिय मैदानमा बागमतीले टस जितेर फिल्डिङ रोजेपछि विभागीय टोली त्रिभुवन आर्मीले पहिले ब्याटिङ गर्दै छ ।
बागमती समूह ‘बी’ को विजेता तथा आर्मी समूह ‘ए’ को उपविजेताको रुपमा सेमिफाइनल पुगेका हुन् । आर्मी गत संस्करणको उपविजेता टोली हो ।
गत संस्करणमा बागमतीलाई नै पराजित गर्दै आर्मी फाइनल पुगेको थियो । यस पटक बागमतीका लागि बदला लिने अवसर समेत छ ।
आर्मीले पछिल्लो खेलबाट टिममा एक परिवर्तन गरेको छ । आकाश चन्दको स्थानमा जितेन्द्र मुखिया पहिलो रोजाइमा खेल्दैछन् ।
बागमतीले भने यसअघि लुम्बिनीविरुद्ध खेलेको टिमलाई नै निरन्तरता दिएको छ ।
यी दुईको विजेताले फाइनलमा एपीएफसँग उपाधिका लागि खेल्नेछन् । एपीएफले पहिलो सेमिफाइनलमा साविक विजेता नेपाल पुलिस क्लबलाई पराजित गर्दै फाइनलमा स्थान बनाइसकेको छ ।
प्रतिक्रिया 4