‘दि भ्वाइस अफ नेपाल’ सिजन १ का विजेता सीडी बिजय अधिकारी र गायिका प्रविशा अधिकारीको स्वरमा ‘दुरी मजबुरी’ बोलको गीत सार्वजनिक भएको छ । यो गीतले दर्शकको माया पनि पाइरहेको छ । सार्वजनिक भएको ४ दिनमै युटुब ट्रेन्डिङको दोश्रो स्थान ओगट्न सफल यो गीतमा बिजयकै शब्द तथा संगीत छ ।
यो गीतको भिडियोमा उत्तम श्रेष्ठको निर्देशन छ । सन्तोष राजबहाकको कोरियोग्राफी, ज्ञानेन्द्र शर्माको छायांकन, अमृत चापाँगाइको सम्पादन रहेको भिडियोमा सुधिर श्रेष्ठ, अशु न्यौपाने, सरोज खनाल, रश्मी भट्ट, उत्तम श्रेष्ठ, दिपकराज पाठकको अभिनय छ ।
गायक बिजयले यो गीतका लागि आफूले निकै नै मिहिनेत गरेको र दर्शकले सोही अनुसारको माया पनि गरिदिनुभएको बताए ।
