१३ फागुन, काठमाडौं । संयुक्त राष्ट्रसंघको मान्यताप्राप्त विश्वभरका स्थानीय सरकारहरुको साझा संस्था युनाइटेड सिटिज लोकल गभर्नमेन्ट एसिया प्यासेफिक, साउथ एन्ड साउथ इष्ट एसिया अध्यक्षमा नेपाल नगरपालिका संघका अध्यक्ष अशोककुमार ब्यञ्जु श्रेष्ठ निर्वाचित भएका छन् । नेटवर्कको साउथ एन्ड साउथ इष्ट एसिया च्याप्टरमा ५४ वटा देश सम्बद्ध छन् ।
स्थानीय सरकार तथा विज्ञसहित विश्वभर २ लाख ४० हजार सदस्य रहेको संस्थाको साउथ एन्ड साउथ इष्ट एसिया अध्यक्षमा आगामी ३ वर्षका लागि व्याञ्जु निर्वाचित भएका हुन् ।
व्याञ्जुका अनुसार यो संस्था स्थानीय सरकारको सवलीकरणमा कार्यरत छ । निर्वाचित गरेको भन्दै व्यञ्जुले विश्वभरका स्थानीय सरकारका प्रतिनिधिलाई धन्यवाद दिएका छन् ।
स्थानीय सरकारको विश्वकै सबैभन्दा ठूलो नेटवर्क मानिएको यो संस्थाले शहरी संस्कृति, सभ्यता, पूर्वाधार विकास, आप्रवासन, स्थानीय सरकारको स्वायत्तता र शहरीकरण लगायतका मुद्दामा चासो राख्दै आएको छ ।
