१४ फागुन , काठमाडौं । सुनको भाउ तोलामा पाँच सय रुपैयाँले घटेको छ । बिहीबार ८९ हजार ३ सय रुपैयाँमा कारोबार भएको सुनको शुक्रबारकालागि ८८ हजार ८ सय रुपैयाँ तोकिएको नेपाल सुन चाँदी व्यवसायी महासंघले जनाएको छ ।

आजका लागि तेजावी सुनको प्रतितोला भाउ ८८ हजार ३५० रुपैयाँ कायम भएको छ । यस्तै चाँदीको भाउ तोलामा २० रुपैयाँले सस्तो भएको महासंघले जनाएको छ । बिहीबार १३५५ रुपैयाँ तोलामा कारोबार भएको चाँदीको आजको बजार भाउ प्रतितोला १३३५ रुपैयाँ छ ।