२५३२ नमुना परीक्षण गर्दा ७८ जनामा कोरोना संक्रमण पुष्टि

१६ फागुन, काठमाडौं । पछिल्लो २४ घण्टामा थप ७८ जनामा कोरोना भाइरस (कोभिड १९) संक्रमण पुष्टि भएको छ ।

देशभरका प्रयोगशालामा २ हजार ५३२ जनाको नमुना परीक्षण गर्दा ३० जना महिला र ४८ जना पुरुष गरी कुल ७८ जनामा संक्रमण पुष्टि भएको हो ।

यससँगै कुल संक्रमित संख्या २ लाख ७४ हजार १४३ जना पुगेको छ । उनीहरु मध्ये २ लाख ७० हजार ४०७ जना संक्रमणमुक्त भएका छन् भने कुल २७७४ जनाको मृत्यु भएको स्वास्थ्य तथा जनसंख्या मन्त्रालयले जनाएको छ ।