अमेरिकाको ओक्लाहोमामा एउटा अकल्पनीय दर्दनाक घटना भएको छ । त्यहाँका एकजना व्यक्तिले छिमेकी महिलाको हत्या गरेर मृतकको मुटु बाहिर निकाले । त्यसपछि उक्त मुटु लिएर आफ्नो घरमा गई आलुको तरकारीसँगै पकाएर परिवारका अन्य दुईजना सदस्यलाई समेत खान दिए । त्यसरी खुवाइसकेपछि परिवारका ती दुई सदस्यको समेत उनले हत्या गरेका छन् ।
यो जघन्य अपराधका विषयमा अमेरिकी पुलिसले हाल अनुसन्धान गरिरहेको छ ।
लरेन्स पल एन्डरसन नामका ती पुरुषले ओक्लाहामा सिटीको दक्षिण पश्चिमस्थित चिकशामा बस्ने आफ्नी छिमेकी एन्ड्रिया लिन ब्लेंकेनसीपको उनकै घरमा गएर हत्या गरे ।
हत्या गरेसँगै उनले ती महिलाको छाति चिरेर मुटु बाहिर निकालेर घरमा ल्याए । घरमा ल्याएर उक्त मुटुलाई आलुसँगै पकाएर उनले आफ्ना काका काकीलाई तरकारीको रुपमा खानका लागि पस्किए ।
लरेन्स यत्तिमा मात्र रोकिएनन् । उनले आफ्ना काका र उनकी चार वर्षकी छोरीको पनि हत्या गरिदिए र काकीमाथि समेत घातक हमला गरेर गम्भीर घाइते बनाए ।
लरेन्स यसअघि पनि विभिन्न आपराधिक घटनामा दोषी ठहर भैसकेका व्यक्ति भएको बताइएको छ । उनी केही समयअघि मात्रै जेलबाट बाहिर निस्किएका रहेछन् ।
एजेन्सी
