१९ फागुन, काठमाडौं । बुधबार म्यानमारमा सैन्य ‘कू’विरुद्धको आन्दोलनमा प्रहरीले चलाएको गोली लागेर ९ जनाको मृत्यु भएको छ । अन्तर्राष्ट्रिय समाचार एजेन्सी रोयटर्सले उल्लेख गरेअनुसार प्रत्यक्षदर्शी र स्थानीय सञ्चारमाध्यमका अनुसार बुधबार ९ जनाको मृत्यु भएको उल्लेख गरेको छ ।
बुधबार म्यानमारको दोस्रो ठूलो सहर मन्डालेमा दुई जनाको मृत्यु भएको छ भने मुख्य सहर यान्गोनमा एकजनाको मृत्यु भएको छ । त्यस्तै सेन्ट्रल टाउनमा प्रहरीको गोली लागी पाँच जनाको मृत्यु भएको छ । त्यस्तै मयिङयानमा अर्का एक व्यक्तिको मृत्यु भएको छ ।
यस विषयमा सेनाले भने कुनै प्रतिक्रिया दिएको छैन ।
