२३ फागुन, काठमाडौं । नागरिक अगुवाहरुले सांसदहरुलाई खबरदारी गरेका छन् । सांसदहरुलाई खबरदारी गर्दै प्रतिगमनविरुद्ध बृहत नागरिक आन्दोलनको ब्यानरमा आइतबार काठमाडौंको माइतीघर मण्डलादेखि बानेश्वरसम्म नागरिक अगुवाहरुले लोकतन्त्र मार्च गरेका हुन् ।
लोकतन्त्र मार्चमा सहभागीहरुले ‘सांसदहरु खबरदार, सत्ताको मोहमा नफस, स्वार्थको खेलमा नफस, संसदको गरिमा कायम गर, न्यायको लडाइँ जारी छ,’ लगायत प्लेकार्डहरु बोकेका थिए । त्यस क्रममा कलाकारहरुले नाट्य प्रस्तुतिसमेत दिएका थिए ।
