१ चैत, सुर्खेत । नेकपा एमालेको कर्णाली प्रदेश संसदीय दलको बैठक चैत ४ गतेका लागि बोलाइएको छ । एमाले कर्णाली प्रदेश संसदीय दलका नेता यामलाल कँडेलले चैत ४ गतेका लागि बैठक बोलाएका हुन् ।
चैत ४ गते दिउँसो १ बजे बैठकमा उपस्थित हुन म्यासेजमार्फत् जानकारी आएको एमाले प्रदेशसभा सदस्य सुशील थापाले बताए । ‘४ गतेका लागि दलको बैठक बोलाइएको छ, हामीलाई म्यासेजमार्फत् बैठक बस्ने जानकारी आएको हो,’ थापाले भने ।
संसदीय दलको बैठकमा एमालेका सबै प्रदेशसभा सदस्यलाई उपस्थितिका लागि बोलाइएको एमालेका प्रमुख सचेतक गुलाबजंग शाहले जानकारी दिए ।
सोही दिन एमालेको खनाल–नेपाल समूहले भने काठमाडौंमा राष्ट्रिय भेलाको आयोजना गरेको छ । उक्त भेलामा सहभागी हुन खनाल–नेपाल समूहका अधिकांश सांसद काठमाडौं गइसकेको प्रदेशसभा सदस्य थापाले बताए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
भर्खरै
पुराना
लोकप्रिय
Hot Properties
.jpg "House on sale")
ट्रेन्डिङ
Advertisment
प्रतिक्रिया 4