टेम्पोबाट लागुऔषध बरामद, एकजना पक्राउ

५ चैत, जनकपुरधाम । जिल्ला प्रहरी कार्यालय सर्लाहीले टेम्पोबाट विभिन्न किसिमका लागुऔषधसहित एकजनालाई पक्राउ गरेको छ ।

सदरमुकाम मलंगवा नगरपालिका-८ बाट विशेष सुराकीको आधारमा ज.१ह. २८१४ नम्बरको टेम्पोभित्र राखिएको लागुऔषध बरामद गरेको सर्लाही प्रहरीका प्रवक्ता मदन कुँवरले जानकारी दिए ।

टेम्पोको पछाडि यात्रु बस्ने सिटमुनि प्लास्टिकभित्र लुकाइ राखेको अवस्थामा लुपिजेसिक ९१ थ्ान, फेनारगन ९३ थान, डाइक्सेपाम ८८ थान बरामद भएको प्रहरीले जनाएको छ ।

बुधबार साँझ टेम्पोबाट लागुऔषध बरामद भएपछि त्यसका चालक मलगंवा ९ बस्ने ३५ वर्षीय दुखा रायलाई नियन्त्रणमा लिएर थप अनुसन्धान कार्य गरिरहेको प्रहरीको भनाइ छ ।