७ चैत, भक्तपुर । सूर्यविनायक नगरपालिका–१० चितापोलमा भएको सवारी दुर्घटनामा एक जनाको मृत्यु भएको छ ।
बा ४ ख ९८१० नम्बरको टिपरले मे ८ प ८३९७ नम्बरको मोटरसाइकललाई ठक्कर दिँदा सोलुखुम्बु घर भई काठमाडौं, हात्तिगौंडा बस्ने ५९ वर्षीया सीताकुमारी कार्कीको मृत्यु भएको हो ।
मोटरसाइकलको पछाडि बसेकी उनी दुर्घटनामा गम्भीर घाइते भएकी थिइन् । उनको भक्तपुर अस्पतालमा उपचारको क्रममा मृत्यु भएको महानगरीय प्रहरी परिसर भक्तपुरले जनाएको छ ।
मोटरसाइकल चालक सीताका छोर प्रकाशलाई भने केही भएको छैन । टिपर चालक सिन्धुपाल्चोकका २३ वर्षीय सुनिल तामाङ प्रहरी नियन्त्रणमा छन् ।
