गायिका समिक्षा अधिकारी र गायक किरण भुजेलको स्वरमा समावेश ‘माया गरौंला–२, ब्रेकअप गरौंला’ सार्वजनिक भएको छ । गीतमा कृष्ण भारद्धाजको संगीत, तिलकप्रताप चन्दको शब्द छ । ६ महिना अगाडि सार्वजनिक भएको ‘माया गरौंला’ हिट भएपछि निर्देशक सरोज वलीले सिरिजको रुपमा ‘माया गरौंला–२’ सार्वजनिक गरेका हुन् ।
यो गीतको भिडियोमा पुष्प खड्का, वर्षा राउत, आँचल शर्मा, सागर लम्साल लगायतका कलाकारको अभिनय छ । भिडियोमा सागर र आँचल, पुष्प र वर्षा जोडीको रुपमा देखिएका छन् । सरोज वलीको निर्देशनमा तयार भएको यो भिडियोलाई विक्रम स्वाँरले कोरियोग्राफी गरेका हुन् ।
भिडियोमा नवराज उप्रेतीको छायांकन, सुवर्ण दुलालको सम्पादन छ ।
