२१ चैत, डोटी । सेती नदीमा नुहाउने क्रममा डुबेर एकजनाको मृत्यु भएको छ ।
डोटीको शिखर नगरपालिका–२ कालागाडस्थित सालमुनीमा पूजा गर्न गएका दार्चुलाको मालिकार्जुन घर भई सेती प्राविधिक शिक्षालय दिपायलमा सिभिल इन्जिनियरिङ अध्ययनरत १७ वर्षीय दीपेन्द्र सिंह धामीको सेतीमा डुबेर मृत्यु भएको हो ।
नुहाउनका लागि नदीमा पसेका धामी डुबेको थाहा पाएपछि स्थानीय युवाहरुले खोजी गरेर शव निकालेको जिल्ला प्रहरी कार्यालय डोटीका प्रवक्ता प्रहरी नायब उपरीक्षक इन्द्रबहादुर मल्लले बताए ।