२९ चैत, काठमाडौं । रुपन्देहीको सैनामैना नगरपालिका–६ कलौनीमा बसले मोटरसाइकललाई ठक्कर दिँदा दुईजनाको मृत्यु भएको छ ।
ना ६ ख ९४१ नम्बरको बसले लु २४ प ९७६८ नम्बरको मोटरसाइकललाई आइतबार बिहान ठक्कर दिँदा मोटरसाइकलमा सवार दुईजनाको मृत्यु भएको हो । मृत्यु हुनेमा मोटरसाइकल चालक प्यूठान झिमरुक गाउँपालिका–१ सौतामारेका २१ वर्षीय सञ्जय खनाल र मोटरसाइकलमा सवार सोही गाउँपालिका–२ बाँदीकोटका २१ वर्षीय फिरज क्षेत्री रहेका छन् ।
दुर्घटनामा गम्भीर घाइते भएका उनीहरुको लुम्बिनी प्रादेशिक अस्पताल बुटवलमा उपचारको क्रममा मृत्यु भएको प्रहरीले जनाएको छ । बस र चालकलाई प्रहरीले नियन्त्रणमा लिएको छ ।
