३१ चैत, काठमाडौं । नक्कली बैना कागज तयार गरी ५० लाख रुपैयाँ ठगी गरेको आरोपमा प्रहरीले एकजनालाई पक्राउ गरेको छ ।
काठमाडौंको बूढानीलकण्ठ नगरपालिका–५ घर भएका ४५ वर्षीय सकुल शाही ठकुरीलाई शनिबार दिउँसो काठमाडौंको स्वयम्भूबाट प्रहरीले पक्राउ गरेको हो ।
ठकुरीले नागार्जुन नगरपालिका–६ मा रहेको जग्गा बैना गरेको भनी प्रतिआना १८ लाख रुपैयाँ कायम गरी नक्कली बैना कागज बनाएर पीडितको ५० लाख रुपैयाँ ठगी गरेको आरोप छ ।
उनलाई आवश्यक कारबाहीको लागि महानगरीय प्रहरी परिसर टेकु पठाइएको प्रहरीले जनाएको छ ।
