४ वैशाख, काठमाडौं । वैदेशिक रोजगारीका क्रममा मलेसियामा मृत्यु भएका ९ जना श्रमिकको शव शनिबार काठमाडौं ल्याइएको छ । वैदेशिक रोजगार बोर्डका अनुसार नेपाल एयरलाइन्सको वाइडबडी विमानमार्फ शव नेपाल ल्याइएको हो ।
विदेशमा रोजगारीका क्रममा रहँदा मृत्यु भएका उनीहरुको शब परिवारले अन्त्यष्टि गर्ने गन्तब्यसम्म ढुवानी गरिएको बोर्डका प्रवक्ता दिनबन्धु सुवेदीले जानकारी दिए ।
यसअघि मलेसियाबाट दुई पटक १२ र १८ वटा शव ल्याइएको थियो । ‘मलेसियामा अझै ४ वटा शब ल्याउन बाँकी छ,’ उनले भने,’साउदीबाट पनि १३ वटा शब ल्याउनुपर्ने छ ।’
चालु आर्थिक वर्षको फागुनसम्म मात्रै ८८१ जना विदेशमा मृत्यु भएका श्रमिकको परिवारलाई बोर्डले क्षतिपूर्ति रकम दिलााएको छ । यो आर्थिक वर्षमा ७५० मात्रै शव आउने अनुमान गरेको यो वर्ष दोस्रो चौमासिकसम्म अनुमानभन्दा बढी श्रमिकको परिवरलाई क्षतिपूर्ति दिनुपरेको हो ।
मृतक परिवारलाई क्षतिपूर्ति दिन बोर्डले यो वर्ष ५२ करोड ५० लाख बजेट छुट्याएकोमा ५४ करोड ९८ लाख रूपैयाँ फागुनसम्म नै वितरण भइसकेको छ । बोर्डले विदेशमा जाँदा श्रमिकले जम्मा गर्ने वैदेशिक रोजगार कल्याणकारी कोषबाट क्षतिपूर्ति वितरण गर्छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "3 BHK House for Rent")
.jpg "4 BHK House for Sale")
प्रतिक्रिया 4