९ वैशाख, काठमाडौं । भारत सरकारले नेपालका विभिन्न जिल्लामा रहेका सरकारी तथा गैरनाफामूलक संघ-संस्थाहरुलाई ३९ वटा एम्बुलेन्स र ६ वटा स्कुल बस उपहार दिएको छ ।
काठमाडौंस्थित भारतीय राजदूतावासले स्वास्थ्य तथा शिक्षाको क्षेत्रमा काम गरिरहेका नेपालका विभिन्न सरकारी तथा गैरनाफामूलक संघ-संस्थाहरुलाई एम्बुलेन्स र स्कुल बस उपहारस्वरुप प्रदान गरेको हो ।
यस वर्ष एडभान्स लाइफ सपोर्ट, बेसिक लाइफ सपोर्ट र कमन लाइफ सपोर्ट गरी तीन किसिमका एम्बुलेन्स प्रदान गरिएको दूतावासले जनाएको छ । दूतावासका अधिकारीले यी एम्बुलेन्सहरु नेपाल सरकारले तोकेको मापदण्डअनुसार निर्माण गरिएको जनाए ।
ग्रामीण क्षेत्रमा स्वास्थ्य सेवाको पहुँच विस्तार गर्न र विद्यार्थीहरुको विद्यालयसम्मको पहुँचलाई सहज बनाउन भारतीय राजदूतावासले सन् १९९४ देखि नेपालका सरकारी तथा गैरनाफामूलक संस्थाहरुलाई प्रत्येक वर्ष एम्बुलेन्स तथा स्कुल बस उपहार दिँदै आएको छ । हालसम्म ८६२ वटा एम्बुलेन्स र १६६ वटा स्कुल बस उपहार दिइसकेको दूतावासले जनाएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4