१२ वैशाख, काठमाडौं । आइतबार नेप्से परिसूचक करिब ७६ अंकले घट्यो । नेप्से परिसूचक ठूलो अंकले घटेर पुनः २६ सय तल झरेकाे छ । आज अधिकांश कम्पनीहरुको सेयर मूल्यमा ठूलो गिरावट आएको छ । समूहगत परिसूचकहरु पनि सबै घटेका छन् ।
आइतबारमात्रै कुमारी बैंकको वित्तीय विवरण सार्वजनिक भएको थियो । विवरण अनुसार कुमारी बैंकले २ अर्ब माथि नाफा आर्जन गरेको छ । अन्य धेरै सूचकहरु पनि सकारात्मक छन् । तर यहिँ कम्पनीको सेयर मूख्य पनि बढ्न सकेन ।
यता सर्वसाधारणतर्फको सेयर मूल्य वृद्धि नभए पनि आइतबार धेरै कमाउनेको शिर्ष स्थानमा कुमारी बैंक नै देखिएको छ । यस बैंकको सर्वसाधारण तर्फको सेयर मूल्य बढ्न नसके पनि संस्थापक समूहको सेयर मूल्य १४ रुपैयाँले बढेर प्रतिकित्ता ११४ रुपैयाँ पुगेको छ ।
बजारमा यति ठूलाे अंककाे गिरावट देखिदा पनि ८ कम्पनीहरूकाे सेयर मूल्य भने राम्रैसँग बढेकाे छ ।
यो पनि पढ्नुहोस नेप्से परिसूचक २६ सय तल झर्यो, कारोबार रकम भने ७ अर्ब माथिधेरै कमाउनेको शिर्ष स्थान कुमारी देखिदा महिला लघुवित्त दोस्रो नम्बरमा देखिएको छ । यस संस्थाको सेयर मूल्य ९.९९ प्रतिशत अर्थात १९४ रुपैयाँले वृद्धि भएर २ हजार १ सय ३६ रुपैयाँ पुगेको छ ।
तेस्रोमा देखिएको विशाल बजारको सेयर मूल्य ३१६ रुपैयाँले बढेर ३ हजार ४ सय ८४ रुपैयाँ पुगेको छ ।
यी हुन् कमाउने ८ कम्पनीः
नाम | कायम मूल्य | वृद्धि मूल्य | वृद्धि प्रतिशत |
कुमारी बैंक (संस्थापक) | ११४ | १४ | १४ |
महिला लघुवित्त | २१३६ | १९४ | ९.९९ |
विशाल बजार | ३४८४ | ३१६ | ९.९७ |
कालिका पावर कम्पनी | ३०० | १० | ३.४५ |
मिर्मिरे माइक्रोफाइनान्स | १६५५ | ४९ | ३.०५ |
गुडविल फाइनान्स | २६४ | १ | ०.३८ |
नेपाल इन्भेष्टमेन्ट बैंक (संस्थापक) | ३९१ | १ | ०.२६ |
एनएमबि हाइब्रिड फण्ड–१ | ११.४३ | ०.०१ | ०.०९ |